feelings and thoughts

  Khamoshi aur tanhai se koi lagaav na tha fir bhi na jaane kaise zindagi ka hissa ban gaye. Bhale hee zyada baat karna pasand nhi tha lekin fir bhi khamosh na ho jaaye ek saathi talaashte rahe. Saathi jisse bewajah hee baatein hoti rahe, jiske rehte kabhi tanhai ka ehsaas na ho. Par shayad yeh bhi qismat ko raas na aaya…yahi kaaran hai kisi se khayal toh kisi se dil na mil paaya. Ab toh khamoshi aur tanhai ki aisi aadat lag gayi hai ki bheed mey bhi..logo ke shor mey bhi inhe hee talaashte hai. Aur jaha yeh khud hee maujood ho waha yeh raas nhi aate. Kehte hai kabhi mann dukhi ho toh inhee se sukoon milta hai. Lekin ab toh yeh sukoon hee dil ko sabse zyada chubhta hai. Kisi bhi cheez ka zarurat se zyada hona zehar hota hai …shayad isiliye toofan se pehle ki shanti mey ek khaunf hota hai. Kami mehsus hoti hai ab inmey shor ki.. apno ki baato ki, hasi ki, masti bhari takraar ki. Umeed karti hu yeh khamoshi aur tanhai ka daur khatam ho jaaye .Ghum hui khoi khushiya aur raunak fir...

Pyaar Hazaro dafa suna yeh shabd Sabhi ke liye iska arth alag Iske maaine, isse jude jazbat…ehsaas sab alag Aneko jode aur unn sabhi ki prem kahaani bhi alag Har kahaani ki shuruat alag… kabi dosti kabhi takraar Kabhi vishwas toh kabhi ek undekha anjaana khichaav Ek duje se judne ka bahaana dil dhund hee leta hai Pyaar ek aisa rishta hai jismey har rang shaamil hai Kabhi kisi ajnabee se pehli dafa milkar bhi aisa lagta hai Maano jaiso barso se pehchaan ho, koi apna sa ho Aur kabhi koi apna hee begaana sa lagne lagta hai Isi ehsaas aur khichaav ke kaaran dil laakho ki bheed mey bhi apno ko dhund hee leta hai… khud ko usse jodkar apni duniya bana leta hai usi ke ird gird hamari duniya ghumne lagti hai nhi jaanti yeh baatein yeh ehsaas such hai ya sirf kisse kahaanio se milne waala ek nazariya

aksar bachcho se sawal karte hai hum bade hokar kya banoge aur fir unke jawab par unki masumiyat par haste hai sochti hu yeh sawal toh bado se karna chahiye ki woh kya banna chahte hai.... bacha,insaan,farishta, umeed, sahara, khwaish, ya ek reason kisi ke hasne ka ya kisi ke aansuo ki wajah ya fir shaitaan kyuki aajkal yahi choices reh gayi hai....doctor, engineer, pilot etc. yeh sab banna aaj itna important nhi jitna ki ek achcha insaan banna hai....sochiye aur faisla kijiye aapko kya banna hai insaan ya shaitaan ??

Galtiya kabhi bewajah nhi hoti har galti ke peeche ek kaaran hota hai kabhi maasumiyat, kabhi nadaani, kabhi kuch naya seekhne ki koshish, kabhi humare principals, kabhi gussa, kabhi ego ya attitude, kabhhi majburi lekin hum sirf galtiya dekhte hai uske peeche ki wajah dekhne ya jaanne ki koshish kabhi nhi karte. kabhi karke dekhiiye shayad khud ki tarah auro ko samajhne mey aur maaf karne mey aasaani ho jaaye ...

Kehte hai khwab zindagi nhi hote Par kaisa ho agar zindagi hee khwab ban jaaye toh Khushi mey toh aksar sab khwab jaisa hee lagta hai Par jab koi khwab jo dil ke kareeb ho woh tut jaaye  toh dukh mey dil haarkar, tutkar bikhar jaata hai Itna ki usi khwab ke tukde khanjar se chubhne lagte hai, Tab bhi yahi khayal aata hai ki zindagi jo ek haqeeqat hai ek Khwab, ek sapna bankar reh jaaye jis tarah aankhein khulne par khwab tut jaate hai waise hee yeh saanso ki dor jinke kaaran hum aaj zinda hai tut jaaye Khushi mey toh khule gagan mey sabka udne ko dil chahta hai pankh lagakar Magar dukh mey apni hee zindagi bojh si lagne lagti hai apno par bhi aur khud par bhi....

Aansu bhi kamaal hai waqt bewaqt kabhi bhi aa jaate hai kisi bhi avsar ko bahana banakar kabhi khushi mey, kabhi gham mey kabhi dard mey, kabhi takleef mey azad hai inpar koi bandish nhi har avsar par ek alag maksad ke saath kabhi behad khushi ke palo ko bheegi palko mey samatne ke liye kabhhi dard mey dil halka karne ko kabhi haar par, kabhi narazgi mey takleef mey darr ko bahar nikalkar hosla aur vishwas bharne ke liye anmol hai motiyo jaise phir bhi chhalak jaate hai aankhon se beh jaate hai mehez paane se jab dil ke siwa inki liye koi jagah nhi toh kyu zindagi mey bewjah bekaar baato ko mauka de rehne ka